صعب يكونو نصابين ,
لاني واخد منهم فيزتين Degital
والاتنين شغالين معاية
-
بس حابب اقول لك على حاجة بتحصل في مصر عندنا بالذات في موضوع البطاقات المرسلة بريد عادي ..

انها مش بتوصل للعنوان ,وبتروح عند مركز البريد , بتقف عنده شوية وبعدين ترجع تاني لمكان الارسال , لو انتي مرحتيش تشوفيها في مكتب البريد الرئيسي ...
واوقات كمان بتعدم ...

المفترض ان عندكم في السعودية , البريد يبقى افضل ...

وكنت طالب بطاقة بايونير وبعد ماجت مصر وقفت في مكتب البريد الرئيسي وبعدين لاقيتها في المرجوعات في التتبع , رغم انها مجاتليش اصلا

الموضوع مالهوش علاقة او مشكلة بالدعم الفني

هو السيستم في الفيس بقى يقفل اي حساب بيستخدم كارت بيدفع مثلا من انجلترا او امريكا , وصاحب الاعلان عامل الاعلان من مصر

وده بسبب الموضوع بتاع تدخل روسيا في التاثير على الراي العام الامريكي في انتخابات الرئاسة الامريكية تقريباً

انا بشتغل تسويق الكتروني , المهم كان الكروت اللى باخدها من هنا بدفع بواسطنها اعلاناتي على الفيس ,
الموضوع كان ماشي معاية تمام ومفيش اي مشكلة لحد يوم 17-12
ومن بعدها حساب البزنس تبعي قفل بسبب الكارت ده ...
قلت يمكن صدفة ... وقفلو الحساب عشان الرصيد في الكارت خلص مثلا ...
عملت حساب تاني وربطته بكارت تاني اخدته من هنا ...بارضه
اتقفل بارضه ...
عملت حساب تالت وربطته بحساب حقيقي تبعي , اشتغل عادي ...
فحبيت انصح اخواني هنا انهم ميربطوش الكارت اللى بياخدوه من هنا كارباح انهم مش يربطوه بحساب البزنس عشان ميتقفلش ...

طب ما هو نزل فعلا لـ 8 الاف يعني نزل من تمنه اكتر من 10 الاف دولار

بقالي كام يوم مش بدخل , حتى التاسكات قللوها
بعد مكان بيبقى متاح للواحد بالمية تاسك
دلوقتي مفيش غير 18

النهاردة فتحت عشان جالي اشعار ان فيه استبيان

والنهاردة ما شاء الله 4 استبيانات

بس ولا استبيان كمل معاية

اول 2 بتوع الصبح كانو بيدورو على ناس اغنية

والاتنين بتوع دلوقتي

واحد بايظ

وواحد بتاع موبايلات

كانو قايلين , ان اخر عشر ايام في السنة ,
ربحك المفروض هتاخدي نصه زيادة
بس انا لسة مزادليش حاجة

madjidta3en wrote: عبد المجيد من الجزائر 18 سنة فاتح بالموقع 2016 داخل عليا 2018 وبالكاد وصلت الى واحد دولار
المهام باللغة النجليزية معظمها صعب ويطلب جهد باللغة العربية قليلة لكن سهلة
وظاهر لي الاف المهمات باللغة الفرنسية بس بفشل فيها
بدي اعرف الoffers كيف بتعملوهم.....

أهلا بك اخي

المهام احنا نزلنا موضوع خاص بيها , لتسهيل بعضها هتلاقيه في مواضيع المنتدى

الـoffer
مش بتيجي كتير للبلاد العربية الافريقية

يمكن 3 او 6 اوفر بالشهر كله , ومش كلهم بتبقى كواليفاي ليهم

اذا عندك جهاز حاسوب , وبتستخدم متصفح جوجل كروم او اوبرا او فايرفوكس
نزل اداة
الـadd-on
وطول ما انت فاتح لما يصير فيه اوفر متاح ليك بيعطيك تنبيه

هو فعلاً

كانهم حاطينه ينصبو بيه علينا

اللي يضايق انه اطول سيرفاي قابلته لحد دلوقتي

النهاردة قلت اجرب واشوف السيرفاي

دخلت السيرفاي اللي بـ
33 سنت

لاقيته اخيرا جاب لي سيرفاي احله

ورغم ان المقابل أقل من سيرفاي تانية بتيجي الا انه كان اطول كثيرا

المهم بقى بعد مخلصت السيرفاي

طلع لي رسالة يقول لي

not quallify

بعد ما قعدت احل فيه اكتر من نص ساعة بكل مصداقية

تحديد فعل الحوار والمشاعر في التغريدات العربية


كود : 1219223

المستوى : الأول
بس بما انها باللغة العربية , المفترض انها بتبقى متاحة لكل العرب بغض النظر عن المستوى


الربح : 1 سنت
(بس بما انه مستوى عالي فبتاخد على المهمة السنت كامل دون ان تحتاج ان تسوي مهمتين وتتحاسب على مهمة واحدة)


وصفها والانطباع العام :


هيا كويسة توعا ما , لان ديما المهمات العربية اللي بتعطيك واحد سنت بس على المهمة الواحدة
بتبقى صعبة شوية , رغم قلة المقابل
لان في الغالب اللي بيعملها باحثين في الجامعات العربية عشان يجمعو بيانات ليسوو بيها استبيانات
فبيعطو اسئلة صعبة شوية ,وكمان مقابل قليل
بس المهمة دي معقولة صراحة

هو بيعطيك تغريدة او كلام
ويقول لك ايه نوع الحوار
هو عمتا معظم التغريدات في تويتر ديما بتبقى الواحد بيعبر عن مشاعره : مشاعر
او لو كانت تبع صحيفة او قناة اخبارية : يبقى تقرير
اما بقى لو واحد بيسأل عن حاجة : سؤال
طيب بيطلب حد يوصله مثلا او يجيبله حاجة : طلب
اما بقى بيتكلم عن بكرة او السنة الجاية : مستقبل

وبعدين السؤال التاني
بيقول لك ايه المشاعر المسيطرة
واحد فرحان وبيفتخر برئيسه او ببلده : يبقى ايجابية
واحد مخنوق وطهقان من رئيسه او بلده : يبقى سلبية
مش عارف تحدد هو فرحان او زعلان او بيسخر : يبقى مختلطة
تقرير او خبر : يبقى من غير مشاعر

مشكلتها
اوقات بيكون الكلام مش كامل او مش واضح هتلاقي رابط كدة زي منا مظلل عليه في الصورة
هتنسخ الرابط ده وتدخل عليه وتقدر تشوف من خلاله التغريدة , لو تبع صفحة اخبارية او واحد بيقول تقرير تبقى تقرير
لو واحد عادي , شوف بقى ان كان بيتسائل ولا بيعبر عن مشاعره او اي حاجة

ميزتها

سريعة , يعني عشر مهمات مخدوش مني ساعة
وكمان ساهلة عليك كعربي
ومتاح ليك فيها حوالي 50 مهمة
ممكن تخلصهم في 3 ساعات لو حليت باجادة كويسة
وتكسب لك نص دولار

احذر
اذا دخلت الرابط ولاقيت كلام مختلف عن الكلام اللى مذكور , لو الرابط مش فيديو يبقى خد بالكلام المذكور متاخدش بالكلام اللى على الرابط

وعليكم السلام ورحمة الله , اهلا بيكي

التاسك دي عبارة عن مهام , تقريبا اللي بيحطها بيبقى هدفه انه يزيد زيارات لصفحات معينة بطريقة شرعية
او يحسن نتائجها في البحث


المهام دي ديما بتبقى عبارة عن عنوان ,وتحت منه التعليمات والامثلة ,وبعد كدة الأسئلة

كل مهمة مالهاش شكل ثابت من الاسئلة

يعني فيه مهام بتبقى عبارة بس عن اختيارات لا اكتر ولا اقل

وفيه مهام , بتبقى عبارة عن قطعة تسمعيها , وبعد كدة تختاري الاجابات الصحيحة على الاسئلة

وفيه مهام بتبقى عبارة عن اختيارات ونسخ روابط

بعد الدخول للمهمة
عشان تدخلي المهمة يااما تربطي حسابك بحساب الفيس بوك, بس اذا ربطتيه
يبقى متدخليش ايميل الخانة اللى تحت الربط بالفيس
فقط اطغطي على
sign-up
وانتظري قليلا

بعد الدخول للمهممة بتظهر لك شاشة اعلاها الشريط ده


المود وده هو حالة السؤال ومرحلتك
اول حاجة بيظهر لك مرحلة الكويز
وده بيقيس مهارتك واجادتك في حل اسئلة المهمة
اللي المفروض نسبة الخطأ عندك في حل الأسئلة متقلش عن النسبة المحطوطة
في الاكوارسي

بعد ماتحلي الاسئلة وتعملي
submit
لها في آخر الصفحة
اذا حليتيها بنسبة اجادة المطلوبة بتدخلي مود
الـWork
وبكل ماتخلصي صفحة الاسئلة
وتعملي submit
بينضاف المبلغ الظاهر اخر الشريط لحسابك
وتفضلي على كدة لحد يا اما تزهقي
وتسوي give up
او يقل معدل اجاباتك الصحيحة عن المطلوب في المهمة
او بينتهي الاسئلة المتاحة ليكي
بس كدة , لو اي حاجة مش واضحة اسئلي عادي

طبعا بالرابط تبعك , ممكن تجيب ريفيرالز

واسهل حاجة تنشر عليها الرابط , الـ
Facebook

قبل ما يقفل الكلكسنس النقر على الاعلانات

مكنش متاح انك تنشر روابطه

لانه كان مسجل بانه موقع مزعج

انما دلوقتي بعد مشال الاعلانات

بقى يعتبر صفته موقع مهام واستطلاعات رأي

فحسن من ترتيبه في المواقع

وده اتاح له ان المواقع اللى كانت رافضة نشر روابطه قبل كدة , دلوقتي متاح

وموضح في الصورة التالية , ازاي تنشئ رابط لاي صفحة على كلكسنس
اللي يسجل من خلالها يبقى ريفرالز ليك
وتكسب معاه دون ان يقل من مكسبه شئ

Words Associated With Most And Least Arousal


المستوى : 1

الربح : 3 سنتات

وصفها والانطباع العام



يمكن اسهل مهمة قابلتها لدلوقتي

هيا عبارة انه بيعطيك مجموعة من الكلمات
بيقول لك اختار منها الاكثر اثارة لمعظم الناس
(هتتخيل نفسك صحفي ,وتشوف ايه اكتر كلمة بتشد الناس منهم وتختارها)
طبعا الناس بتحب الدمار , الكوارث , الفضايح ,الحاجة المخفية الحاجة الغريبة , oh my god , yay
الكلام اللي بيشد ده ...

وبعدين يكرر نفس الكلمات تاني
ويقول لك اختار الاقل اثارة
طبعا الناس مش بتحب الحاجة المكررة , الاساسية

اللذيذ في المهمة دي , انك بترجم كلمة واحدة , فلما تستخدم اداة متصفح جوجل للترجمة اللى مشيرز لها في الصورة
فبيجيبلك الترجمة بالظبط

مشكلتها

كلمات كتير بتصيب الواحد بالملل

ميزتها
اجرها كويس وبتحافظ على الاكوارسي

احذر
هو بيطلب منك الحاجة المثيرة لمعظم الناس مش وجهة نظرك انت ..
يعني مثلا , انت ممكن بتكون بتحب الكتب والقراية
بس الناس بتعتبر الكتب والقراية دي حاجة مملة
فهنا المفروض تختار ان الكتب دي اكتر حاجة الناس مش بتهتم بيها

فيه كود بيعطهولك في اول المهمة متنساش تنسخه وتحتفظ بيه وهاقول لك ليه المرة الجاية , ان شاء الله

على فكرة الجزء اللي تم مسحه , كان ترجمة للامثلة والتعليمات اللى محطوطة في المهمة نفسها اصلاً ,مع اضافات قليلة من عندي للتوضيح مش اكتر :/

Is The Clients Issue Solved?



المستوى : صفر

الربح : 3 سنتات

وصفها والانطباع العام



هيا عبارة انه بيعطيق مقطع صوتي تسمعه , وتحدد تلت حاجات زي ما موضح في الصورة
- هل الكلام بالغة الانجليزية او لأ
- هل اللي بيسأل عن المشكلة رجل او امرأة او غير واضح ...
- هل تم حل مشكلته ام لا

مهمة جيدة , بتعتمد على قوة السمع ليك ولفهمك للغة الانجليزية , اذا انت ماهر في افلام الاجنبية من غير ترجمة مش هتواجه ادنى مشكلة فيها

طيب لو مش ماهر ..

هو متاح لك انك تنزل المقطع الصوتي , ممكن تنزله , وكنت اسمع عن تطبيقات بتحول
المقاطع الصوتية لكتابة , ممكنبعد ماتحوله لكتابة تترجمه

لا يجوز وضع مساعدات لحل المهام بشكل مباشر ..ارجو ابقاء المساعدات بدون تفصيل قد يتم اعتبارة غش ******

ميزتها :
ساهلة ومبتاخدش وقت

مشكلتها :
عدم وضوح الصوت في بعض الاوقات , وعدماجادة الجميع لمهارة السمع في اللغة الانجليزية

بانتهاء اليوم النهاردة
اخونا imadchawi
من الجزائر بيحقق المركز التاني بانه اكتر واحد حل مهمات على مستوى العالم

ولمن لا يعلم اكتر عشرة بيحلو كل أسبوع بياخدو جوائز نقدية

الأول 50 دولار
الثاني 20 دولار
الثالث 10 دولار
الرابع والخامس 5 دولار
من السادس للعاشر 2 دولار

-

اخونا عماد في هذا الاسبوع وصل للمركز التاني بعمل
2453 مهمة

يعني بمتوسط 350 مهمة في اليوم


من توصل للمركز الخامس او العاشر وكسب فوق مكسبه من المهام
ما بين 2 لـ 5 دولار

اللي وصولوها الاسبوع ده بـمتوسط 1200 مهمة في الاسبوع

يعني حوالي 171 مهمة في اليوم

يعني لو في المتوسط 10 مهام في الساعة ...
يعني 17 ساعة في اليوم شغل ....

يعني يادوبك بينامو وبياكلو وباقي يومهم حل مهام

Verify IngredientsFood Items Names


المستوى : 0

الربح : سنت

وصفها والانطباع العام :


مهمة لذيذة صراحة
هيا عبارة عن انه بيعطيك اسم اكلة وبيقول لك هات اصلها ايه



بتطغط على الرابط بيجيب لك نتايج البحث في جوجل

بتدخل على اول عنوان بالانجليزي في صفحة ويكيبيديا

وتتأكد انها اكلة او زرعة مش علامة تجارية مثلا , او فرقة موسيقية

اذا كان عطي لك ال
simplified name

زي النتيجة اللى طلعتها من البحث في ويكيبيديا بتختار الاختيار الاول

اذا كان مختلف بتختار الاختيار الثاني
وبتعمل لصق في الخانة اللي بتظهر لك بعد ما بتختار الاختيار الثاني كما موضح في الصورة

اذا بقى لاقيت مثلا الكلام مش مفهوم ومش طالع لك في نتايج البحث اي زرعة او اي اكلة
بتختار الخيار التالت

مشكلتها

كعادة المهام المتاحة للجميع , لما بحلها وانا مستوايا عالي بيحسب لي المهتمين بمهمة
حليت 20 مهمة , في ساعتين, اتحسبولي 10 مهامواخد عليهم 10 سنت فقط

ميزتها

سريعة وفرصة جيدة للناس اللى لسة مبتدأة في المهام انهم يعلو من مستواهم لكي يتاح لهم مهام اكتر

احذر
- متحاولش تشغل دماغك قوي .. المهم في المهام انك تنسخ له بالظبط اللى بيظهر لك للاطعمة في الاول , حتى لو مكنتش مقتنع بيه ..
- ساعات بيشوف مدى انتباهك , فيجيب لك مثلا عجلة او آلة وطبعا ده مش طعام او نبات , وطبعا دي لما تبحث عنها هتطلع النتيجة زي السيمبل ,فمتقعش في الفخ
- لو جالك وصفة عمل الاومليت دي اختار الاختيار التالت
- مع العلم ان الاختيار الثالث مش بييجي كتير ..

النهاردة البيت كوين نزل لاقل من 13 الف دولار بعد ما كان واصل لـ 19 الف دولار يوم نزول المنشور ...

في المستوى الثاني في مهام سهلة بس محتاجة لغة فرنسية

عنوان المهمة
Which Product Is The Best Match?

المستوى : الاول

الربح : 1 سنت

وصفها والانطباع العام
احلى واسهل مهمة

كل اللي عليك انه بيعطيك منتج وصورة

ومجموعة صور جنبها تختار منهم اكتر واحد مقارب ليه

في السعر , في الشكل , في الموديل , في اللون , في الحجم

مشكلتها :
ان المهام الواحد سنت ديما بتعمل منها اتنين عشان تاخد السنت ...
فيه اجابات مش قليلة في الداتا بيس بتاعهم مش صح

ميزتها :
سريعة يعني الوقت اللى كنت بتقضيه عشان تطغط على اعلانات وتكسب سنت
مقارب جدا لها
ومتوفرة بكثرة

أحذر
فيه فرق بينها وبين المهمة
Select All Products That Are The Same?
يعني اختار كل اللي شبه المنتج اللي بيعطهولك
دي شبهها بس ارخم شوية